Miembronan di SADA ta disgusta y ta cla pa tuma decisionnan serio

Sr Edward Maduro di sindicato SADA durante un entrevista a duna di conoce cu nan ta den un situacion actualmente pa loke ta salario for di aña pasa ta wardando y a duna tur cooperacion y ta hayando cu tur e cooperacion cu nos a duna tur e tempo ey no ta suficiente y ta sinti cu tin un biramento. Sr Maduro di SADA a bisa esaki a cay den mal tera cerca e miembronan y algun tin 20 luna wardando pa e ehecucion di e salaris y awor aki nos ta para na un situacion hopi fastioso y obliga di yama un reunion extra ordinario diahuebs anochi cerca nos miembronan y lo tuma luga na nos oficina na Hato na SEPPA. Decisionnan hopi importante lo bay tuma luga y ta miembronan lo tuma esakinan. Miembronan ta hopi disgusta. Tabata tin reunion cu DRH cu tabata bayendo bon y despues di esaki tur cos a keda cancela ningun reunion no a keda yama mas y ta sinti di parti gobierno no tin e boluntad y warda e trayectoria huridico pa loke ta e parti salaris y a bin cu otro asuntonan riba mesa y a cuminsa bisanan den un comunicado.

Comments

comments