VIRGINIA, Merca- FBI recientemente a revela detayenan escalofriante di e ehecucion di un adolescente di 15 aña na Januari. E caso aki a tuma luga na Virgina y e victima a muri na man di e gang MS- 13.
Dialuna, un agented di FBI a testigua dilanti hues di e condado di Fairfax, na Virgina y a duna detayenan di e confesion di un miembro di e pandiya MS- 13 riba e asesinato di e hobencita Damars A. Reyes Rivas, cual a tuma luga dia 8 di Januari.
Segun e investigacion, cual a wordo publica door di The Washington Post, un miemrbo di e grupo arma aki cu raisnan na Centro America, a graba cu un telefon celular e accion contra di Reyes Rivas, mientras cu e tabata duna ordo pa otro hobennan tortura e mucha muhe y mat’e cu’n cuchiu y un troncon den un parke di Virgina.
E lus berde pa mata Damaris A. Reyes Rivas a bin despues cu e liderasgo di e pandiya en cuestion na El Salvador, como vengansa pa e supuesto papel di Damars den e morto di otro miembro di MS-13 un siman prome.
Segun e investigacion, Jose Cerrato, di 17 aña, tabata esun cu supuestamente a yuda planea e asesinato como tambe e evia di e tres videonan di e ehecucion di e lidernan di e banda di El Salvador, como prueba di su disposicion di cumpli cu e ordo asigna.
Pa e agente di FBI, Fernado Uribe, no ta duidelijk di e videonan a wordo manda finalmente, pero Cerrato di biaha a gana un promocion den e filanan di e banda pa su papel den e asesinato di e adolescente.
Fuente: www.telemundo.com