Caribbean Palm Village Resort ta celebra Siman Internacional di Housekeeping tur aña pa asina premia y malcria e 27 miembronan di e departamento dedica aki. Siman Internacional di Housekeeping, IEHA, ta wordo observa rond mundo desde 1981, y ta dedica pa tur hende por enfoca nan atencion y reconocemento riba e housekeepernan profesional cu ta traha den hotel, resort y otro facilidadnan publico, manteniendo un medio ambiente mas limpi, sigur y saludabel tur dia.
E programa na Caribbean Palm Village Resort e aña aki a enfoca riba Salud, Siguridad y Beyesa, y a inclui actividadnan diverso.
E festividadnan a habri riba dialuna cu un mini desayuno sigui pa un sorteo di t-shirt. Despues, otro evento a inclui Rene Wild papiando tocante cuminda saludabel den relacion cu un curpa saludabel. Un screening di salud ofreci pa Wit Gele Kruis a sigui despues, y un lectura tocante Siguridad cu Sergio Wever. E lectura di beyesa di Rafael de Cuba a inclui mini massage y mini manicure, cu bingo, den e cafetaria. E Dia di Clausura a ofrece algun cos dushi delicioso pa cera e festividadnan.
Aki por mira e ekipo di housekeeping disfrutando di nan siman!