Miembronan di ekipo di Hilton Aruba Caribbean Resort & Casino recientemente a wordo invita pa un fiesta elegante di Masquerade Ball pa celebra e fin di aña.
E Comision Ehecutivo a ricibi invitadonan na e entrada di e Grand Caribbean Ballroom, cual tabata decora den na preto y oro, gradiciendo nan pa nan tantisimo contribucionnan durante 2016, deseando nan un fiesta excelente y dibertido, un tremendo temporada di fiesta y un prospero Aña Nobo.
E ekipo culinario di e resort a crea un buffet di cena festivo yena cu specialidadnan local di fiesta, cualnan e miembronan di ekipo a disfruta durante e anochi, bishitando e buffet un cantidad di diferente biaha, pa purba tur e platonan, for di e prome platonan tradicional te cu e pasabocanan delicioso.
Aruba su #1 banda, Buleria, a toca su miho canticanan bailable, yenando e pista di baile for di e cuminsamento di e anochi te cu e oranan laat di anochi. Mientras cu e banda a toca e ultimo notanan, miembro di e ekipo di accounting Anthony Koolman, tambe conoci como DJ Big B, a conecta e sistema di sonido, proveendo mas musica pa baila pa tur esnan cu no tabata kier pa e fiesta caba.
E Masquerade Ball di e aña aki na Hilton Aruba Resort & Casino tabatin hopi pa celebra, ya cu e resort a caba di conclui un renobacion multi-miyonario, net na ora pa e temporada halto di turismo.