Riba 7 y 14 di Juni 2017, ATIA conhuntamente cu e Entrenador di Personalidad Certifica Sharleen Tromp di InSync Koach, a ofrece e Personality Training Workshop “Building Healthy Relationships in the Workplace” na e miembronan di ATIA. Esaki a tuma luga na ATIA di 6 or pa 9 or di anochi. Durante e di dos session, “Brand Strategist” Candy Rasmijn Reino, a duna un introduccion di su training “The Art of Personal Branding”
E workshop “Building Healthy Relationships in the Workplace” ta pone enfasis riba crea un atmosfera di gran comprension, comunicacion cla y respet mutuo den e luga di trabou, y na mes momento reduciendo conflicto y mehorando actuacionnan individual y den ekipo entre coleganan. E ta siña con pa desaroya un liderasgo capaz y eficaz den tur nivel di e organisacion y con pa indica talentonan existente y identifica potencialnan halto.
E Personality Training Workshop ta trece hunto un vision comprensivo di diferente tipo di personalidad cu ta relaciona na cualkier persona cu kier compronde nan miembronan di ekipo miho y conecta cu nan den un forma mas profundo y efectivo.
E lo excita y motiva bo pa bo ta un miho persona, mientras bo ta siña desaroya relacionnan mas saludabel y di duracion mas largo. The Art of Personal Branding ta pone enfasis riba con bo imagen personal por afecta bo imagen na trabau y con un compania por wordo afecta pa e mal uso di medionan social di su empleadonan y tambe ta mustrabo con pa bo promove e potencial di cada persona.
Pa mas informacion riba e workshop aki por fabor tuma contact cu Sharleen Tromp na [email protected] of na 7330377.