Miembro di Parlamento di St. Maarten, Theo Heyliger, deteni riba sospecho di corupcion

PHILIPSBURG – Theo Heyliger, lider di fraccion di e partido mas grandi di St. Maarten, United Democrats, diamars mainta a wordo aresta na su cas na Guana Bay. Heyliger a wordo aresta door di agentenan di Team Bestrijding Ondermijning (TBO), un ekipo di recherche special cu ta haciendo investigacion na St. Maarten y Corsou.
Heyliger su detencion ta den cuadro di e caso Larimar, pa corupcion, labamento di placa, soborno di un ambtenaar den e sector di construccion. Na fin di januari recherchenan a registra e oficina di Heyliger y tambe varios otro cas. E tempo ey a pone beslag ariba su propiedadnan. Diamars, den curso di dia, TBO lo ofrece mas informacion ariba e caso aki.

Screening
Theo Heyliger ta un homber di negoshi y ta un di e politiconan cu mas influencia na St. Maarten. El a gana varios eleccion desde cu St. Maarten a bira autonomo dentro di Reino Hulandes, pero nunca e por a bira Prome Minister door cu e no lo pasa e screening imponi door di Hulanda.
Pa varios aña caba, Hulanda ta sospecha Heyliger di ta mantene lasonan cu baho mundo y na St. Maarten nan a dun’e e bijnaam di ‘Mister 10 percent’. Gran mayoria di e habitantenan ta su tras pa motibo cu, contrario na otro politiconan, e si ta cumpli cu su promesanan.
Na augustus a bira conoci cu Heyliger lo mester wordo procesa tambe pa “soborno activo di trahadonan publico”. E soborno aki lo a tuma luga entre september 2012 y juli 2013. E nomber Heyliger ta wordo nombra den e caso Catfish, un investigacion na acusacionnan di ex miembro di Staten, Roman Laville, cu ta bisa cu Heyliger lo a ofrece mei miyon dollar pa tumba e coalicion di e tempo ey. Heyliger anteriormente a wordo interoga pa e caso aki door di TBO.

Importancia Heyliger pa mayoria di coalicion
E aresto di Heyliger por tin su consecuencianan pa e stabilidad di e gobierno di St. Maarten, cu pa 1 asiento, tin e mayoria den parlamento. Net e siman aki e votacion contra di e mocion di desconfiansa contra di e partidonan di oposicion di e actual Prome Minister Leona Marlin-Romeo.

Oposicion ta rabia cu e gobierno di Marlin-Romeo a acepta un acuerdo cu gobierno di Hulanda pa e renobacion di Princess Juliana Airport, cual lo duna Den Haag un voz den e directiva di e aeropuerto. United Democrats, cu ta e partido dirigi di Heyliger y Marlin Romeo, desde horcan Irma ta bezig ta lobby cerca Hulanda pa haya placa pa e reconstruccion di St. Maarten.

E proceso penal contra di Heyliger aña pasa tambe a causa cierto tension entre St. Maarten y Hulanda. Marlin-Romeo a pidi Ministerio Publico pa no keda rek e investigacion contra di Heyliger. Un intervencion notabel tabata esun di Secretario di Estado Raymond Knops (Relacionnan di Reino, CDA), cu a bisa cu “ta altamente inusual y inadecua pa un Prome Minister haci tipo di expresionnan asina den un estado di derecho”.

Comments

comments