‘MIDI’ pendiente pa lansa otro piesa y videoclip nobo titulá “Recuerdo so”

Proximamente e conocido banda na Hulanda, ‘MIDI’, lo bay lansa otro piesa nobo hunto cu su videoclip, cu ta hiba di titulo ‘Rekuerdo So’.

E piesa titula ‘Rekuerdo So’ lo keda interpreta pa e cantante guitarista Fonty Lodowica.

E ta un piesa cu hopi sentimento y cu alabes tin un mensahe pa un y tur gosa di bida y crea bunita recuerdo.

E temporada di pandemia cu nos a pasa aden, a demostra cu diferente cos tin mucho mas balor cu nos tabata pensa. Porcierto e piesa aki ta subraya e importancia di cosnan chikito den bida ya cu nada ta dura pa eternidad. Por ehempel un brasa no ta dura largo pero ta crea un recuerdo inolvidabel cu si ta dura mas.

Ta e intencion pa fin di luna di Juli 2021, tanto e piesa como e videoclip ta riba mercado”.

Comments

comments