Microsoft ta supera crisis y ta alcansa un balor di un biyon dollar riba stockmarket

Cinco aña pasa Microsoft tabata pasando den un crisis grandi cu e pone cu el a perde biyones di dollar, kita mas di mil empleado for di trabao y revisa su obhetivonan.
Analistanan incluso a yega na predeci cu loke tabata pasando tabata e caida di e compania.
Pero despues di algun aña di reahustacion di su negoshi y pone den marcha strategianan nobo, e compania diahuebs a logra un record nobo: su balor riba stockmarket a supera pa prome biaha 1 biyon dollar.

Awo e ta un di e unico tres companianan cu a supera e meta aki, hunto cu Apple y Amazon, cu a logra esaki na augustus y september di aña pasa, respectivamente.
Tur ta danki na e balor di e accionnan di e compania, co- funda door di Bill Gates, cu a subi su balor na un tercera parti aña pasa.
Parti di e secreto? E crecemento grandi di su plataforma di servicionan di internet den Cloud.
E existo di e area aki y un empuhe inespera den benta di software, a haci cu e ingresonan a aumenta un 14% te yega 30.6 biyon den e di cuater trimester di aña apsa, segun e compania a informa diaranson.
Mientras, e beneficio netto a aumento un 19%, ekivalente na 8.8 miyon dollar.
Con Microsoft a logra esaki?

E tropieso di e gigante
Ora cu e mundo di computacion a cuminsa su expansion acelera den e decada di 1990, tabata tin un gigante cu tur e companianan tecnologico cu tur hende kier a yega: Microsoft.
E compania a logra cu su sistema operativo Windows tabata e unico plataforma casi unico den Personal Computers (PC), cu excepcion di Mac den Apple Computer y algun cu tabata uza Linux.
Pero ora cu e compania di Bill Gates a cuminsa competi cu e otro companianan den crecimento den e decada di 2000, cosnan no a bay asina facil manera anteriormente.
Microsoft a desaroya cu existo sin igual su mesun propuestanan den areanan manera console di weganan di video (Xbox), e fabricacion di laptop y tablet (Surface) of e benta di celularnan cu su mesun sistema (Nokia/Windows Phone).

Na 2014 tabata un aña cu a nifica un antes y un despues, ya cu e compania a anuncia un reestructuracion grandi, principalmente den e ramo di telefon celular y mas di 25 mil empleado a wordo retira, na nivel mundial.
E aña anterior e compania a asumi perdidanan di 900 miyon dollar di tabletnan Surface cu no a wordo bendi.
Y riba e lista di negoshinan cu perdida tabata tin Internet Explorer cu, a pesar di e renobacionnan, poco a poco a bay ta kedando atras contra di otronan manera Chrome of Firefox.
Akinan analistanan a predeci e caida di e gigante tecnologico funda na 1975.

E secreto di surgi bek
Satya Nadella a a asumi e control di Microsoft na 2014 y desde e tempo ey e cambionan cu el a impulsa a cuminsa haci efecto.
Su strategia tabata di concentra den e desaroyo di aplicacionnan pa celular y software pa clientenan corporativo, na mes momento e tabata apoya e negoshinan grandi manera e sistema operativo Windows y e console di weganan di video Xbox.
Aunke cu e compania a cuminsa traha den e procesamento y almacenamento y entrega di servicionan desde servernan remoto den e decada di 1990, e famoso ‘cloud’ no ta sino te cu den e decada aki cu e la cuminsa ofrece su servicionan virtual.
Nadella e ora a haci di esaki su prioridad.

E programanan di procesamento di dato inclui den Office, p.e. awo ya ta den e ‘cloud’, cual ta haci e compania competitivo cu e Google Docs.
Pero e servicio estelar actualmente ta Azure, un plataforma virtual pa companianan unda cu nan ta save henter e infrastructura fisico pa opera practicamente cualkier negoshi cu ta uza informatica.

“Microsoft por ta mas conoci pa su sistema operativo Windows, pero e ta gana mas placa cu su servicionan den cloud Azure y e pakete di software di Office.
Ademas di servicionan virtual, actualmente e ingresonan di Microsoft ta componi principalmente pa Office (25%), Windows (18%), Xbox (9%), Surface (5%).
E participacion di Microsoft den tanto mercado den crecimento claramenta ta duna inversionistanan speransa pa futuro.

Comments

comments