E meta cu a acerca Citgo y Refineria di Aruba, tin su motibo pa ATIA bin cu un anochi di informacion pa loke ta e reapertura di e refineria, segun directora di ATIA, Michelle de Groot.
E reapertura ta trece un rosea di alivio, pasobra e ta trece un di dos pilar economico na Aruba. Tin hopi pregunta y duda tambe cu ta spera di wordo respondi durante e anochi aki. Ta pa e motibo ey a acerca Citgo Aruba Refinery y Refineria di Aruba, pa nan trece dilanti un orador. Pa Citgo e lo ta e project director, sr. Alirio Sambrano y pa Refineria di Aruba e lo ta sr. Alvin Koolman, kende ta e director di e compania.
Ta spera cu e preguntanan aki cu ta biba no solamente entre e comerciantenan, pero den Aruba su comunidad en general, lo haya un respuesta. E anochi aki, manera tur aña lo clausura cu un fiesta. E aña aki lo tin Tsunami, cu lo clausura e evento y ticketnan ta na balor di $100 lo ta disponibel na oficina di ATIA directamente. Por yama na 5827593 of mail na [email protected]. Por ultimo no por bay sin gradici e patrocinadornan, cual esun di mas grandi ta CMB, cu semper ta eynan pa sostene, Citgo Aruba y Refineria di Aruba.