Riba recomendacion di Prome Minister Rhuggenaath y den nomber di Conseho di Minister di Corsow, conseho di Minister di Reino a aproba e proposicion pa nomina Sra. Michèle Russel-Capriles Gobernador suplente di Corsow. E nominacion ta drenta na vigor 1 di Juni 2019 y ta conecta cu e termino di Gobernador Suplente actual, Sra. Romer-Kenepa, cu a transcuri. Sra. Russel-Carpiles ta, mirando su pasado religioso, cultural y social, hopi capas pa duna contenido na su funcion den futuro. Den curso di tempo el a ocupa diferente posicion riba nivel di directiva, loke ta demostra su nivel di conocemento di e area politico-gubernamental den cua e ta bai funciona social, principalmente riba e area di arte y cultura y tambe educacion, ta mas indicacion di su caracter emprendedor. Su envolvemento estrecho cu ‘Prins Bernhard Cultuurfonds’ y e museo cultural-historico Hudiu ta prueba di esaki. Sra. Russel-Capriles ta conoci tambe como un persona integro cu un consiencia di norma eleva. Corsow por ta orguyoso di tin personanan capabel manera Sra. Russel-Capriles, cu ta dispuesto di ehecuta e funcion aki. E Gobernador suplente nobo lo huramenta pronto.