Despues cu algun siman pasa, algun trahado di Serlimar a acerca mesa di redaccion di Masnoticia, pa expresa nan preocupacion tocante algun desaroyo cu ta tumando luga den Serlimar.
Empleadonan preocupa di Serlimar tabata kier claridad ariba e bagamunderianan cu a tuma luga durante añanan den e compania, ya cu cu hopi asombro, e gran mayoria, si no ta tur, e berdadero empleadonan di Serlmar a tuma nota di diferente publicacion nan cu ta sali den cierto medionan di comunicacion.
Un di e puntonan di e trahadonan di Serlimar, tabata cu con por tawata posibel cu un manager grandi den Serlimar, esta Micheal Raymond, ta esun cu tawata tin e contract anterior di laba truck, via otro persona pa un bunita suma di 7 mil florin pa luna ?
E siman aki nos di Masnoticia a ricibi un carta di mr. David Kock, di parti di Sr. Michel Raymond, pa duna su banda di medaya, y ta desmenti e informacion na e trahadonan di Serlimar. Sr. Raymond a hasta a manda copia di su contractnan. Asina Masnoticia ta cumpli di a haya ambos banda di medaya di e noticia aki.
Ta spera cu di parti di gobierno, den e caso aki, e minister encarga cu Serlimar, Sr. Otmar Oduber, bin cu’n investigacion interno den Serlimar, mirando cu tin varios rumornan di contractonan ficticio cu ta tumando luga.