Diabierna a tuma luga e acto di huramentacion di e parlamento nobo, caminda cu Sr. Michael Lampe a huramenta como parlamentario pa partido AVP. A puntr’e cual ta su vision pa cu Aruba y su trabao den parlamento.
Sr. Lampe a bisa di ta un honor di tin e oportunidad aki pa forma un voz ya cu esaki ta e importancia di e organo si di parlamento, cu lo representa e pueblo. Ta un honor di a wordo instala, parti di e ekipo di oposicion como parlamentario. E lo traha duro pa representa su pueblo na su maximo.
Un di e puntonan di mas importante pa e hobennan ta bo talento y loke bo kier logra den bida, ta algo cu bo ta keda traha duro ariba dje cu un focus inmenso. Esey ta loke el a haci, el a lanta cu hopi tiki na cas, y semper a enfoca pa bay dilanti den bida. Tumando pasonan hopi positivo pasonan pa sigui crece.
Riba bo caminda bo ta topa hopi biaha cu obstaculonan pa sigui traha bek, sigui progresa y sigui kere den bo mes, cu ta algo cu ta hopi importante. Sr. Lampe ta di opinion, ta cu e trabao cu el a bin ta haciendo den e ultimo añanan, hopi hende conoce di musica.
El a studia na Hulanda, el a haci hopi proyecto ariba tereno cultural. Nos ta biba riba un isla democratico y e hobennan tambe tin un bos. Bo tambe por pone bo mes dilanti pa duna aporte na e direccion di bo pais, atrabes di politica den e caso aki. Ta hopi importante pa haci esaki na un ambiente sano, tratando otro cu respet, un politica nobo.
Por ultimo, Sr. Micheal Lampe, parlamentario pa partido AVP, a bisa di lo haci tur lo posibel pa representa nos hobennan den Parlamento.