Diasabra mainta na cas di su famia na Savaneta, Michael a tene un encuentro cu famia y amigonan cerca pa anuncia su cadidatura y alabes cuminsa cu su campaña pa eleccion di dia 22 September 2017.
Diasabra anochi na Beam a sigui su lansamento oficial riba lista di partido AVP.
Despues di palabranan di bon bini pa nos prome minister Mike Eman, un sala completamente yen a ricibi Michael cu entusiasmo sumamente grandi.
Despues di su anuncio por a nota hopi reaccion positivo & contento ariba social media & den comunidad.
PAKICO POLITICA
Michael a splica pakico el a dicidi pa tuma e paso importante aki. “Mi a traha duro den e ultimo añanan pa aporta na e crecemento positivo y autentico di nos cultura, industria creativo y innovacion pa nos comunidad. Mi a haci esaki via iniciativanan propio y yudando iniciativanan di otronan.”
“Pa mi ta e tempo awor pa tuma e paso aki di sigui crese y crea mas oportunidadnan pa nos tur por bay dilanti.”
PAKICO AVP
E ideologia cu nos pueblo y nos pais ta central, combina cu un vision pa enrikece calidad di bida pa medio di innovacion y sostenibilidad ta un base di conexion y relacion entre Michael cu AVP.
“Como un persona hoben y profesional mi ta sinti cu tin espacio den e team pa bin cu ideanan innovativo pa crea oportunidadnan y progreso pa un y tur.”
VISION
Michael a splica tambe su vision pa Aruba.
“Cultura ta e fundeshi di futuro. Un cultura bibo ta un cultura cu ta keda Educa y Innova su mes.”
“Ban nos tur inspira otro y crea espacio pa ideanan nobo y diverso cu lo conduci na mas oportunidadnan pa nos comunidad, creando un Aruba mas fuerte, sostenibel y eficiente.”
Pa mas information: www.bancumichael.com, facebook.com/bancumichael