Diabierna a huramenta como minister di Enseñanza, Sr. Rudy Lampe kende a bisa cu ta hopi cos tin pa bay haci y awor cu e ta logra bira minister di enseñanza sigur esaki lo haya su atencion manera e mester ta.
Prome e tabata minister di Dios, y awo e ta minister di pueblo. E ta gradici e pueblo di Aruba, pa e confiansa cu el a haya. Partido ReD kier trece un cambio den e sistema politico di Aruba, ta p’esey Sr. Ricardo Croes, cu tabata den e A-team di ReD, a bay parlamento y Sr. Rudy Lampe, cu di e B-team, ta bira minister. Esun cu a haya menos voto, ta den Parlamento. A bira e rolnan y esaki ta pa prome biaha den historia di Aruba, den Status Aparte, cu’n partido cu ta den gobierno, y cu e persona cu mas voto, ta sinta den Parlamento.
Por ultimo, Sr. Lampe a s bisa cu esaki ta algo historico. Kico ta dunabo e autoridad y e poder pa controla den un minister, ta e cantidad di voto. P’esey Sr. Croes tin tur e poder, como un di e votegetter mas grandi di Aruba, ta eyden pa controla e funcion ey di gobierno.