Club Kibrahacha e siman aki a presenta nan proyecto nobo “Mi ta inclui”cu ta pa pone e grandinan di Aruba sinti nan mes envolvi y ta participe den comunidad.
Jeffry Matos, director, a splica kier stimula participacion di grandinan den comunidad. Tin hopi grandi ta cay den soledad.
“Mi ta inclui” ta forma parti di nan plan strategico cu mester a bay den operacion for di aña pasa, pero cual no tabat posibel door di e pandemia. Lenny Geertvliet ta e persona encarga cu e proyecto aki, cu ta cuadra cu e preocupacion di Respaldo pa e grandinan cu ta biba den soledad. Y den e crisis e situacion empeora.
Nan miembrecia no a crece, pero si nan mester a baha nan actividadnan. Aworaki no ta tur cliente ta bek, pero nan ta spera cu aki dos luna nan lo yega na 80% di nan clientenan bek pa haci uzo di tur loke cu Club Kibrahacha tin di ofrece.