E ciudadana Omaira Britten a dirigi e siguiente palabranan na lider di POR, Otmar Oduber.
“Awe cu atencion mi a scucha 90.7 unda Sori a intervista sr. Otmar Oduber.
Sori a trece varios pregunta cu su oyentenan a bin cun’e pa puntra sr.Otmar Oduber.
Sr. Otmar Oduber a bin cu un plan bon hinca den otro, loke su partido POR ta bin cun’e pa e proximo eleccion 22 September 2017.
MI PREGUNTA CARDINAL TA LO SIGUIENTE:
1. Kico lo bay haci pa educacion pa e futuro di nos generacion.
Mester implementa Palabra di Dios den tur scol manera tabata antes pa Dios por drenta tur scol atrabes di su palabra, e Bijbel, pa fortifica e guia na e muchanan.
2. Kico lo bay haci pa nos grandinan?
Ta nan a traha y prepara e fundeshi pa e generacion cu ta sigui.
3. Ki plan tin pa AZV ?
4. Kico lo wordo haci pa caba cu ilegalnan na Aruba.
A papia di duna permiso pa 3 aña na e mesun doño di trabou pero kico ta trabou pa nos mesun hendenan.
5. POR tambe ta bay di acuerdo cu fabor POLITICO?
6. POR lo bay traha pa e pueblo prome cu nan mesun interes?
7. POR tin un plan bon studia y eficas pa caba cu criminalidad.
8. POR lo ta dispuesto si e gana eleccion laga Dios dirigi y maneha su Gobierno pa Aruba keda bou di proteccion di Dios?
9. POR ta mira e economia di Aruba basa 100% riba turismo y POR su vision ta riba mas hotel pa San Nicolas. POR a studia con pa trece e proyecto aki padilanti of tin otro interes su tras. Kico lo bay para cu nos Flora y Fauna.
10. Por lo bay duna nos Arubianonan trabou prome cu trece mas hende di afo pa bin traha. Habri mas cupo di trabou pa tin menos desempleo.
Corda criminalidad den un pais ta bin pa falta di empleo unda pobresa ta cuminsa toca na porta.
Te aki mi ta keda cu mi 10 puntonan pa mi por haya un miho vision kico POR por haci pa Aruba.
Mi no kier promesa mi kier mira realidad y con e lo bay wordo ehecuta.
Por ultimo, pueblo di Aruba, nos ta doño di e isla aki, ta nos voto ta conta pa futuro di nos isla. Ban na rudia pidi Dios inteligencia y sabiduria pa hunto ban vota riba Señor su guia y no nos mesun emocion. Aruba ta di nos y ta nos mester cuida nos isla votando pa tin voz y no keda sin vota pa mañan no bin cu critica no funda.
Cu Dios bendiciona tur politico riba Aruba yenando nan cu inteligencia y sabiduria.
No critica otro pero ban traha pa un miho futuro.
Boso Sirbidora:
Sra. Omaira Britten