E aña aki un biaha mas lo bay tene diferente mainta di informacion na MFA noord pa cual aki Sr. Richard Tromp di MFA noord ta splica kico ta e meta di e dianan di informacionnan aki.
E aña aki, conhuntamente cu 4 organisacion a traha un plan pa cuminsa pa un serie di 5 anochi y merdianan di informacion te cu Juni. E organisacionnan aki ta F.A.D.A., Telefon pa Hubentud, Centro Kibrahacha y Tienda Pa Educacion.
Otro siman, dia 31 di Januari lo bay tin e prome anochi di informacion na MFA Noord, unda cu tur e organisacionnan lo bay splica kico nan ta bay haci y kico ta nan intencion den e lunanan cu ta bay bin. Dia 1 di maart e anochi di informacion lo bay ta na MFA Paradera. Entrada ta gratis, y e ta welkom pa hende di tur edad.
Tur hende ta welkom pa sa kico ta e intencion di e anochinan di informacion. E meta ta pa duna oportunidad na MFA y tambe na organisacionnan mas conoci kico nan ta haci. MFA a planea te cu luna di Juni pero nan ta habri pa si tin algun otro organisacion lo kier tuma parti na e serie di anochi/merdianan di informacion nan lo ta welkom pa e di dos parti di aña.
MFA lo bay den direccion over di belasting y demas informacionnan, y ta p’esey MFA a organisa un anochi di informacion tocante Herencia cual lo tuma luga e siman aki. E anochi aki lo duna informacion tocante, si un familiar muri, kico ta pasa cu e herencia. Tambe MFA tin planea pa sinta cu otro organisacionnan pa nan bin cu nan ideanan y pa asina sigui cu e serie di anochi/merdianan di informacion.