SINALOA, Mexico – Pronosticonan ta indica cu e potente ciclon di Pacifddio, actualmente cu bientonan maximo di 260 km/h lo subi tera mei mei di e siman aki.
E ciclon Willa a wordo cataloga como horcan di categoria 5 despues di cu su bientonan maximo sosteni a alcansa 260 km/h. Ta pronostica cu e fenomeno natural aki lo subi tera na Mexico den e proximo 72 horanan.
Segun e National Hurricane Center di Merca (NHC), e “potencialmente catastrofico” horcan tabata situa na 280 km zuid-zuidoost di islanan Maria den Pacifico Central Mexicano, dialuna pa las 15:00 UTC, moviendo na 11 km pa hora den direccion di Sinaloa.
Ta pronostica precipitacionnan di entre 15 y 30 cm na Jalisco y Nayarit, cu lo por provoca inundacionnan y derumbenan den e area. Posteriormente, ta pronositca cu e ciclon lo avansa riba e zonanan di Zacatecas, Durango, Chihuahua y Coahuila.
Segun e Servicio Meteorológico Nacional di Mexico, ta pronostica tambe olanan di entre dos y cinco meter cu posibel waterspouts dilanti e costanan di Oaxaca, Guerrero, Jalisco, Colima, Nayarit y Sinaloa.
Ante e yegada di horcan Willa, autoridadnan local den vaios estado costero di Mexico a emiti advertencianan pa e residentenan local.
