MEXICO CITY, Mexico – Dia 16 di September, Mexico ta celebra 206 aña di independencia. E festehonan ta cuminsa riba e anochi di diahuebs cu e Grito di independencia, un ceremonia cu ta encabesa pa e presidente Enrique Peña Nieto. Pero simultaneamente, otronan ta protesta exigiendo e renuncia di e mandatario.
Ta e di cuatro aña cu e ta conmemora esaki desde e prome cuadro di e ciudad di Mexico, unda e palacio nacional ta ubica y e balcon di caminda e lo wak esaki sali.
E momento ta particularmente complica pa e aprobacion abao na su Gobierno, refleha den e ultimo encuestanan. Un grupo di ciudadano ta marca e ocasion cu un manifestacion, un marcha den protesta, cu e consigna #RenunciaYa. Marcha te na e Zocalo di e Ciudad di Mexico.
E Mexicanonan ta critica e Gobierno pa e escandalonan manera e bishita di Donald Trump na e pais, cu a resulta contraproducente pa Peña Nieto y e contexto economico: diahuebs e Mexicanonan a amanece cu un maximo historico di e dollar ante e peso, casi 20 peso pa un dollar.
Ademas, e problemanan di insiguridad, corupcion y impunidad ta sigui marca e agenda nacional. Den poco dia ta cumpli dos aña di e desaparicion di 43 normalista di Ayotzinapa, un caso cu hopi controversia, incluyendo loke a propicia e renuncia di Tomaz Zeron, di e Agencia di Investigacion Criminal di Mexico.
E Ceremonia
E Gobierno a bisa cu e ceremonia di e Grito di Independencia lo mester a austerisa debi na e recortenan di presupuesto.
Manera ta tradicional pa 11’or di anochi, e presidente den turno, ta sali riba e balcon di e palacio nacional despues di bati e belnan di Dolores, e mesun cu a yama e levantamento di arma na 1810, di vitornan pa e independistanan y grita Viva Mexico!.
Despues e shelo Mexicano ta ilumina cu un gran espectaculo di vuurwerk. Dia 15 di September e Hondureñonan, Salvadoreñonan, Nicaraguensenan, Guatemalteconan y Costaricensenenan ta celebra e independencia, den conmemoracion di e firma di e Acta di Independencia di e Capitania General di Guatemala na 1821, loke ta marca e Independencia di Centro America.
Fuente: CNN en Español