GUERRERO, Mexico- Den horanan di marduga di dialuna, cuater hoben, dos homber y dos muhe, a wordo ehecuta na Petatlan, Guerrero, y segun e prome investigacion, al menos un di e hobennan tabata subrina di e ex alcalde Arturo Gomez, kende tambe a wordo asesina dia 29 di December 2017.
Mientras tanto na Jiutepec, Morelos, un famia, incluyendo dos menor di edad, uno di uno y otro di seis, a wordo tira mata ora cu nan tabata den un auto.
Diadomingo, mas di 60 persona a fayece den hechonan di violencia, entre nan 11 persona cu a muri den dos enfrentamento den cual a participa encapuchadonan, polisnan comunitario, agentenan estatal y federal den e comunidad di La Concepcion, den un zona rural di Acapulto.
Shete mas a wordo tira mata door di soldatnan di Marina despues di un persecucion den un carretera di Los Cabos, na Baja California Sur.
Durante e prome shete dianan di 2018, al menos 18 persona a wordo ehecuta na Baja California Sur, entre nan e yiu di e comandante di polis di Los Cabos, Genaro Cervantes. Baja California Sur a bira e di dos estado cu e tasa di homicidio mas halto, bou di Colima, pero riba di estadonan manera Baja California, Guerrero, Chihuahua y Sinaloa.
Fuente: https://www.am.com.mx