Ya nos a yega final di e kwartaal pa numbernan cu auto pa cual di parti di Servicio di Impuesto ta splica cu e sticker oranje no tin valides mas segun Mervely Romano, relacionista publico di Departamento di Impuesto.
Manera ya menciona, a yega na e ultimo kwartaal di aña. Dia 1 di October a pasa y e ultimo kwartaal di aña a cuminsa. Na e momentonan aki tur automobilista cu ta haciendo uzo di nos careteranan publico mester tin e belasting di full e aña paga.
Esey ta nifica cu tur vehiculo di motor cu excepcion di e brommernan, mester tin e sticker berde pega riba e windshield. E sticker oranje ya caba a caduca y a pidi cuerpo di polis tambe pa pone atencion na e vehiculonan aki cu ta coriendo actualmente cu e sticker oranje so. E vehiculonan mester tin e sticker berde riba e windshield. Pa loke ta brommer, ya caba nan no ta un problema asina grandi, den e sentido cu nan tin cu paga e belasting den un solo biaha. Pero ta e otro vehiculonan ta esunnan cu ta haya posibilidad di paga den kwartaal. Eseynan tin cu tene cuenta cu awor aki ya caba e di 4 kwartaal di 2016 mester ta paga. Ta nifica cu full e aña 2016 mester ta paga completamente y mester tin e sticker berde riba e windshield.
Romano ta sigura cu cuerpo di polis tin hopi atencion riba e vehiculonan aki y ta bon pa evita di haya un boet pa motibo cu e boet kisas ta mes halto of mas halto cu e belasting mes cu mester wordo paga.
E momento aki, esun berde ta esun cu ta conta. E vehiculonan cu tin e oranje so riba e windshield, por ta coriendo riesgo cu polis por para nan y controla e papeleo wak si e ta na ordo y mas sigur e no ta asina y cu ta e sticker e lo mester tin riba e windshield.