Pa esnan cu ta spera di haya placa bek, esta restitucion di inkomstenbelasting, ta mantene e regla di first in and first out. Es decir, clientenan cu entrega declaracion prome, eseynan lo traha riba dje prome despues. E clientenan cu ta bay warda por ehempel te dia 1 di Juni otro aña esey nan lo conta cu nan cobransa lo sali mas laat, esaki segun vocero di Departamento di Impuesto, Meverly Romano.
Actualmente a caba cu 2011. Ta bay cuminsa cu 2012 y ta spera di mas den fin di aña cuminsa cu 2013. Y ta sigui cu e mesun regla di first in and first out. E clientenan cu entrega nan declaracion prome, eseynan ta esunnan cu ta wordo regla tambe prome, segun Romano.