Meverly Romano di Departamento di Impuesto: Grondbelasting tambe por haci areglo si SIAD debebo placa

Pa tur hende cu mester haya placa back di belasting y ta hayando cobransa, por yega na un areglo pa medio di un carta cu mester manda pa Servicio di Impuesto. Vocero di Departamento di Impuesto, Meverly Romano, ta splica mas di e procedura aki.
Tin cliente cu nan entrada ta di tal manera cu nan ta spera di haya placa bek. Di otro banda nan tin otro belasting pa paga, por ehempel e grondbelasting. Pa e casonan aki, Romano a laga sa na e clientenan aki cu e posibilidad tey cu nan por pidi pa desconta e debe di Grondbelasting cu e restitutie cu e Inkomstenbelasting. Solamente cu esako no ta bay automaticamente. Nan ta dos tipo di belasting separa cu cada un ta core cu nan mesun deadlinenan y p’esey no ta bay desconta esun di e otro zomaar.
Loke ta haci ta cu ta bisa e clientenan cu nan por entrega un peticion caminda cu nan ta pidi inspector pa duna nan uitstel of pospone e pago di grondbelasting te ora cu nan aanslag di inkomstenbelasting ta cla y desconta e debe ey for di e placa cu nan tin cu haya bek. Esey ta e mensahe cu ta bisando me, clientenan cu ta acudi na Siad. Tambe ta bon pa sa cu esaki ta posibel, solamente si e cliente a entrega tambe su declaracion di inkomstenbelasting logicamente. E personanan cu kier haci uzo di e facilidad aki, cu nan kier pa departamento di impuesto desconta nan debe di grondbelasting cu e placa cu nan tin cu haya bek cu inkomstenbelasting, nan tin cu haci un peticion.
Pa haci’e mas facil pa nan, ta pidi un peticion cu mester ta un carta caminda cu nan ta haci e peticion. Pa haci’e mas facil pa e cliente a dicidi cu ta bay entrante otro siman un formulario special pa esey, caminda cu e cliente ta djis yen’e, pone su datonan y e formulario ey ta bay sirbi tambe como e peticion cu e cliente ta haci pa desconta su grondbelasting di e placa cu e tin cu haya bek di inkomstenbelasting. Asina ta spera cu por yuda e clientenan tambe poco mas cu mirando e hopi di nan kisas ta haya nan mes awor aki den un situacion financieramente dificil y na otro banda e ta realistico cu nan tin placa pa haya bek. E ora ey ta yuda nan cu e peticion y e intencion ta cu ta bin cu formulario tambe, caminda cu por yuda nan mas ainda, cu nan ta djis yene y entrege mesora na belasting y asina nan ta haya posponemento di e pago di grondbelasting, te ora cu nan restitutie ta cla y cu ta desconta e ora eynan e debe di grondbelasting.
Tin hopi cliente cu mester tuma accion pa cu e grondbelasting ora di paga esaki pasobra mas bo tarda, mas interes bo ta keda haya segun Romano.
Si no actua riba e debe di grondbelasting, e deadline ta sigui core. Si e persona no tin un uitstel van betaling den e sistema di belasting registra, e debe ta sigui core, pero tambe e interes ta sigui core. Na momento cu e cliente ta haya posponemento di e pago, e ora ey ta stop e proceso eynan di invordering cu ta sigui y e cliente ta keda cu un mente trankil, cu e por warda riba su placa bek di inkomstenbelasting. Manera cu e ta cla, ta desconta su debe.
Esaki no ta sosode automatico. E no ta bay manera e cliente lo kier. Pero e mester haci un peticion. Loke ta pidi e clientenan pa entrega un carta caminda cu nan ta pidi pa desconta e debe di grondbelasting cu e placa cu nan tin cu haya bek di inkomstenbelasting, por ehempel 2011 of 2012. Loke ta controla den sistema ta cu e declaracion di e aña di 2011 of 2012 di inkomstenbelasting a keda entrega. Si esey no ta e caso, no lo bay aproba e peticion. E mester entrega un carta y pa facilita esey, entrante fin di otro siman lo bay tin un formulario cla pa esey, caminda cu ta duna e cliente. E ta djis yen’e, entrege di biaha y ta proces’e den sistema.
Tur cliente mester haci e proceso pa ora e kier pa belastingkantoor kita e placa cu e mester paga for di e placa cu e mester haya bek pa cual tur informacion den e carta mester ta bon hinca den otro.
Prueba ta e declaracion cu e cliente ta haci. E ta pidi pa desconta un debe for di un placa cu e tin cu haya bek. Su declaracion ta su prueba. Esey por wak den e sistema caba si e ta entrega of no y ta wak tambe e añanan anterior si e ta un persona cu ta haya placa bek. Esey ta e rekisito cu tin cu e aangifte di inkomsten belasting mester ta entrega. Loke ta pidi ta su datonan personal. Di cua aña e ta sperando restitutie di inkomstenbelasting. Kico e kier pa desconta for di e restitutie ey. Si ta su grondbelasting 2016 of su grond belasting 2015. Tin hende cu tin debe di grondbelasting di varios aña atrasa. E idea ta pa e cliente pospone e pago te ora cu su restitutie ta cla. E ora eynan ta desconta su debe for di e placa cu e tin cu haya bek y si tin algo cu ta resta, e ta haya e resto, segun Romano.
E ta sigui splica cu mayoria cliente ta pidi pa belasting desconta e debe cu inkomstenbelasting 2011, 2012, 2013 asina. Na e momentonan aki ta bezig cu 2011. Ta spera cu pa fin di aña tin 2012 y 2013 cla. Loke ta bay wak ora di peticionnan ey drenta, si en berdad e declaracionnan ta aden. Si e declaracionnan ta entrega, esey ta loke mester di e cliente, segun Romano.

Comments

comments