Nos a yega asina leu cu nos ciudadanona a haya nan envelop cu nan formulario di Inkomstenbelasting. Pa esaki Departamento di Impuesto ta cla pa yuda su clientenan, pa yena nan declaracion. Segun vocero di Departamento di Impuesto, Meverly Romano, ta trata di e campaña di ayudo pa yenamento di formulario di Inkomsten Belasting. E aña aki atrobe Departamento di Impuesto tin e intencion pa sigui cu e campaña aki. Esey ta algo cu ta haci tur aña. Tin hopi cliente cu ta acudi cu nan formulario pa asina haya yudansa pa yen’e. E aña aki tambe ta bezig cu esaki, solamente na e momentonan aki no tin tur detaye, cual ta e fechanan exacto y cua ta e luganan cu lo bay duna e servicio aki. Pesey Romano a pidi e clientenan pa un tiki pasenshi. Dentro di poco lo bay anuncia unda lo bay duna ayudo, di ki ora pa ki ora y ki dia pa ki dia.
Na e momentonan aki tin basta cliente ta yama caba cu ta puntra ki dia ta cuminsa yuda pa yena e formulario. Ta bezig cu esey y dentro di poco ta bay anuncia tur e detayenan.