PERTH, Australia- Un meteoro gigante cu a alumbra shelo di Perth y califica pa e cadena ABC como un “bishitante interestelar” a sembra panico mei mei di e poblacion y a altera e comportamento di varios animal.
E strea aki a pasa over di Perth diasabra, 28 di augustus ultimo. Probablemente lo el a impacta contra di nos planeta Tera, segun varios specialista.
Pa banda di 7 or y 40 di anochi, bomberonan di e localidad a ricibi varios yamada di bisiñanan spanta, cu sigura di a wak un bola di candela riba nan cabes.
Mientras algun a sugeri cu e UFO aki por genera un candela desastroso, un muhe a sigura na e cadena Australiano ABC News cu el a skucha algo di “un accidente di aviacion” mientras e tabata bañando y un otro a bisa cu tabata parce cu “shelo tabata bin abao”.
E explosion cu a sigui a “sacudi henter e cas, bentananan y mi cacho a bira loco”, Robyn Garrett a comenta.
E Observatorio di Perth a analisa diferente video registra pa camaranan di vigilancia y otro dispositivonan di grabacion instala den autonan pa registra origen di e incidente.