E temperatura promedio di Aruba pa luna di Juli tabata riba normal; 29.4 riba 28.6 cu ta e normal. Pa awasero e cantidad di 43.0 mm di luna di Juli tabata poco mas halto cu esun normal cu ta 31.7 mm. E balor di biento ta mescos cu esun normal cu ta 16 kt (nudo).
Expectativanan pa clima di aruba:
Pa e periodo Augustus- September- October (ASO) y November- December te Januari (NDJ) 2018: El Niño Southern Oscillation (ENSO) ta manteniendo su mes na e limitenan di fase neutral te na un evento ENSO zwak (+0.5°C). Modelnan ta sugeri anomalianan di temperatura cu lo keda levemente positivo pa e periodo ASO y NDJ; esaki lo favorece fase neutral te un evento zwak. E actual fase neutral di ENSO lo tin poco influencia riba temperatura y yobida den region. Den un caso no mucho probable di un evento El Niño sinembargo, ta spera un tempo mas seco cu menos awasero extremo den parti zuid y oost di region. Probabilidadnan ta na fabor di condicionan di mas calor y menos actividad di horcan cu normal den e ultimo parti di temporada di horcan di Atlantico.
Expectativanan pa yobida na Aruba:
Mientras nos ta haciendo e cambio di epoca seco pa epoca di yobida* nos no ta observa preocupacion pa secura den region local. Pa e region en general un alerta pa secura a wordu emiti pa e parti central di Bahamas y un aviso pa secura a wordu emiti pa Haiti, ambos te cu October.
*Epoca di yobida di Aruba ta di September/October te cu Januari
Pa e periodo ASO: Yobida 75% normaal te riba normaal
Pa e periodo NDJ: Yobida 80% normaal te riba normal
EXPECTATIVANAN DI TEMPERATURA PA ARUBA:
Pa e periodo ASO: temperaturanan 85% probabilidad di ta normaal te riba normal durante di dia. Temperatura minimo lo ta 80% probabilidad di ta normaal te riba normal durante di anochi.
Pa e periodo NDJ: probabilidad di 80% di ta normal durante di dia. Temperatura minimo lo tin un probabilidad di 80% di ta normal durante di anochi. *Epoca di calor pa Aruba ta di Mei te November.
Temporada di horcan di Atlantico 2017:
Temporada di horcan di Atlantico (AHS) ta di 1 di Juni te 30 di November. Normalmente nos ta mira 12 tormenta, 6 horcan y 2 horcan fuerte. Un adaptacion reciente di e pronostico di CSU* ta mustra vbalornan mas haltu cu normaal caminda ta spera 16 tormenta, di cual ya nos a haya 7, 8 horcan y 3 horcan fuerte.
*CSU= Colorado State University
**Ta wordo recorda na residentenan cu solamente 1 horcan cu yega tera por haci e temporada di horcan uno activo pa nan. Pa e motibo aki mester prepara na e mesun manera tur temporada sin importa e pronostico di actividad ciclonico cu a wordo duna.