Di parti di Servicio Meteorologico di Aruba, director interino, David Barkmeyer a splica cu pasa di 4’or di marduga, algo di awasero a cuminsa cay pero aisla. Pa mas den habri di dia, a cuminsa ripara cu enbes di awa sede, el a cuminsa bira mas intenso, cual tabata un señal cu ta un zona di convergencia intertropical activa. Tipo di sistema aki ta hopi vervelend pa pronostica. Cu esey no ta disculpa meteo, ni nada por el estilo. Ta un cantidad di circunstancia tin rond di e sistema aki cu tabata menasa algun dia caba y cu dado momento, cu tabata tin indica den pronostico di tempo cu tabata wordo spera, sinembargo e cantidad di awa a basha un tiki hopi.
E sistemanan aki ta caracterisa cu ora cu dia ta habriendo, a cuminsa intenstifica. Mara na esaki ta haya cu biento swak cu tabata tin. Ta haya facilmente cu e nubianan cu e sistema aki ta forma.
Tin cu agrega cu el a cana di zuid bin ariba. For di Colombia y Venezuela, bin para net riba Aruba. Cos cu normalmente den ultimo temponan ta hay’e na Corsou y Boneiro. Aruba ta keda liber y ta haya kisas solamente awasero leve. Pero den e caso aki, Corsou y Boneiro a keda liber y Aruba a haya e carga. Tin cu bisa cu e sistema cu ta caracterisa su mes pa e celnan di awasero ta yobe despues bolbe forma tras di otro, mara na e biento swak, ta haya facilmente cu nubia di 50 of 60 mil pia ta para yobe, cual a sosode. Na cierto parti nan a haya awa en exceso cu ultimo cu a sali for di Meteo, tabata tin casi 70 milimeter di awa. Esey ta na aeropuerto so.
Cierto otro partinan lo a haya algo mas tanto, segun Barkmeyes. Considerando cu nos ta den tropico, ta haya cu no mesun caminda cu e cantidad di awasero.
Bon noticia ta cu poco poco e celnan a bay ta cabando y loke a sobra ta nubianan abao, cu awasero, pero no pisa.
Naturalesa mes, segun Barkmeyer a agrega, no ta laga e atmosfera asina tanto instabil, manera cu e tabata. E mes ta stabilisa su mes den e ultimo oranan. E awasero ta bahando poco poco y segun pronosticonan cu Barkmeyer por a mira, no ta kere cu algo lo bay ripiti pa e anochi di mañan.
E chens pa algo asina ey bolbe ripiti ta masha chikito. Sinembargo ta posibel cu por haya nos cu aki aya algo di yobida. E problema ta cu hopi awa a cay caba. Si e cay un tiki mas riba un cantidad di 5 pa 10 milimeter mas, lo a haci basta daño.
Meteo lo bay tene tur esnan concerni di e situacion y por minimalisa cierto dañonan por wordo haci.
Aruba tabata tin paar di dia cu ta menasa cu zona di convergencia intertropical por activa, pero agregando, cu den tanto aña trahando den e ramo aki, Barkmeyer ta splica cu no ta facil pa haya cierto sucesonan asina aki. E no ta sosode hopi, segun Barkmeyer.
- Latest
