BOLETIN SPESIAL Nr. 1
SERVISIO METEOROLÓGIKO KÒRSOU
DJAMARS, 28 DI YANÜARI 2020, 15:51 O.L.
UN MENSAHE DI INFORMASHON (KÓDIGO HEL) PA TSUNAMI PA KÒRSOU
******BASÁ RIBA DATO DISPONIBEL RIBA E TEMBLOR AKI NO TIN MENASA DI TSUNAMI PA KÒRSOU******
Un temblor a tuma lugá, pero no por generá un tsunami pa Kòrsou.
Informashon èkstra:
Ora di orígen: djamars, 28 di yanüari 2020 19:10 UTC/15:10 O.L. (Ora ku e temblor a tuma lugá).
Lugá di orígen: 99.2 km nortwèst di Lucea, Hanover, Jamaica
Magnitut: 7.7
DEFINISHONNAN:
Un Boletin Spesial ta ser emití pa eventonan di wer ku ta kousa inkonbeniensia general òf preokupashon den pueblo (ku ta rekerí atenshon i akshon di outoridatnan di brantwer i polis) i ku no por ser deskribí na un manera adekuá den un pronóstiko di tempu regular.
Ta emití un Mensahe di Informashon pa Tsunami ora ku a registrá un temblor fuerte pero ku esaki no a generá un tsunami ku por alkansá Kòrsou.
Esaki ta e último boletin ku lo ser emití tokante e fenómeno aki.