Aña 2017 lo bay tin desaroyonan cu e temporada di horcan aki pa cual aki Sr. David Backmeyer, directeur interino di Meteo Aruba a splica mas di e desaroyonan cu por spera e aña aki pa loke ta e temporada di horcan.
Sr. Backmeyer ta splica e definicion di e ciclon tropical. E ta un ciclon tropical, unda ta haya e sistema di tanto biento como tempo ta circula rond di un centro den hemisferio Norte, contra di holoshi, den hemisferio sur, e ta cu holoshi. Pero Aruba ta keda den hemisferio Norte.
Tameb Sr. Backmeyer a duna un presentacion na miembronan di Prensa, pa asina splica con e sistema tropicalnan ta desaroya. Segun Sr. Backmeyer, pa un tormenta tin un “wowo” e mester ta un horcan, sino e no ta haya un “wowo”. Tambe el a splica di e “spiralbands” cu ta un sistema cu ora cu e pasa, e ta capas di laga basta awasero atras. Esey a sosode na Aruba, na 2006 cu horcan Ivan.
Sr. Backmeyer a sigui splica over di e centro,e wowo, manera popularmente yama, cu ta airedescendiente, cu ta pa e motibo ey e ta liber di nubia. E outflow ta drei contrario na loke e spiralbandnan abao ta haci. Si e no tin un outflow, e ta stroba e sistema di subsisti.
Un tiki mas aleu, depende na ki parti di mundo, manera akibanda e ta wordo yama Ciclon of horcan, na Filipinas nan ta yam’e Tyfoon. Cada region tin nan sistema di yama e sistema aki.
Tropical storm ta forma den awanan cayente, ariba oceano grandi, cu por dun’e energia rekeri pa e forma y subsisti. E proceso ora di evaporacion, e ta trek, energia for di e superficie y un parti di Oceano cu ta bay mas o menos 25, 30 of 50 meter. Ora cu e sistema su nubianan forma bek, ta haya condensacion. Esey ta mantene e sistema bibo, ora cu e sistema subi tera of un ambiente menos favorable pa e subsisti. E calor latente ey ta zorg pa e sistema sigui subsisti, pa dos of tres dia mas. Tur cos ta depende con grandi of potente e sistema ta.
Por ultimo, Sr. Backmeyer a splica cu, den e centro di loke ta wordo yama popularmente wowo, normalmente biento ta calmo of hopi swak, y no tin nubia. Esey ta debi cu e parti descendente di aire cu ta los op e nubianan. Lama ta bira fastioso, cu olanan di 20 pia of mas di haltura.