Meteo Aruba: Temblor na Jamaica no tin menasa di tsunami pa Aruba

Den un prome boletin special emiti pa Meteo Aruba, e autoridad meteorologico local ta duna di conoce cu Aruba no ta bou di ningun aviso of menasa di tsunami, relaciona cu e temblor cu a tuma lugar den e laman entre Cuba cu Jamaica.

Dato disponibel riba un temblor cu a sosode 3:10 PM ora local, 28 di Januari 2020:
Departamento meteorologico di Aruba ta ratifica cu no tin menasa di un tsunami pa Aruba

Informacion preliminar di e sismo:
Magnitud: 7.7
Ora di origen: 1919 UTC Jan 28 2020
Coordenada: 19.3 Noord 78.8 West
Profundidad: 10 KM/6 Miya
Locacion: Region di Cuba

Pronostico di menasa di tsunami (actualisa)
Olanan di tsunami cu por alcansa entre 0.3 pa 1 meter riba nivel di laman por ta posibel den algun costa di Belize, Cuba, Hoduras, Mexico, Cayman Islands y Jamaica.

Cu e informacion aki ta mustra cu Aruba no ta den ningun tipo di peliger pa haya un tsunami, relaciona cu e temblor cu a origina entre Cuba cu Jamaica.

Comments

comments