Apesar cu e ta indica den e pronostico di tempo, departamento meteorologico di Aruba, kier pone na atencion di publico cu den proximo 24 ora tin posibilidad di awacero pisa na cierto partinan di e isla. Un ola tropical activo ta moviendo den parti oost di caribe y lo pasa cu mayoria di weer noord di nos isla. sinembargo, e humedad y instabilidad cu e ta trece cune lo bai ocasiona awacero cu por ta localmente pisa na cierto partinan di e isla y forma molester.
Pa loke ta lama tin cu bisa cu debi na e biento, calcula na beaufort 6 te 7, cu ta 22 te 33 nudo y awacero cu e sistema aki ta bai trece cune, lama lo ta poco brutu especialmente na partinan oost te noordwest di costa durante e pasahe di e ola tropical aki. Olanan lo yega 6 te 7, kisas 8 pia.Tambe ta pidi pa tene cautela cerca of den awacero ya cu lama lo bira brutu especialmente den yobida fuerte y cu ta wordo compaña pa lamper cu strena. Un aviso pa boto chikito lo drenta na vigor awe tardi 6’or te proximo aviso.
- Latest
