Internacional: Tamponnan organico y no organico ta contene arsenico y metalnan pisa durante un estudio piloto haya fo’i Juli. FDA lo haci un investigacion riba posibel impacto metalnan pisa den e productonan.
Aunke e nivelnan di ambos metal tabata abou, no tin un nivel sigur di exposicion di e material cu tin aden, segun e agencia americano di proteccion di medio ambiente.
E estudio di juli a descubri solamente e presencia di metalnan, y no a test si e metalnan ta sali fo’i momento cu e tampon keda usa. Tambe no a test si e metalnan cu ta wordo libera y absorve den e parti vaginal y drenta den e fluho di sanger durante e uso di e tampon. P’esei FDA a encarga un revision literatura independiente y a inicia un estudio di laboratorio interno pa evalua e metalnan den tampon.
FDA a bisa cu kier pa publica sa cu prome cu tampon wordo bendi legalmente na Merca nan mester cumpli cu e rekesitonan di FDA pa seguridad y efectividad.
E estudio di juli a test 30 tampon di 14 marca cumpra fo’i bendedornan y tiendanan online grandi na Merca, Reino Uni y Grecia.
