Internacional: Meta Platforms ta enfrenta un caso den corte na Washington cuminsando dialuna riba acusacionnan cu el a construi un monopolio ilegal riba medionan social door di gasta miles di miyones di dollar pa adverti Instagram y WhatsApp, den un caso den cual e oficialnan di Merca ta busca pa deshasi di e acuerdonan.
E adkisicion mas cu un decada pasa tabatin como meta pa elimina competencia nobo cu por a menasa e status di Facebook como e plataforma di medionan social pa usuarionan conecta cu amigonan y famia, e Comision Federal di Comersio di Merca ta pretende. El a presenta e caso na 2020 durante e prome periodo di Donald Trump.
FTC ta busca pa forsa Meta pa restructura of bende partinan di su negoshi incluyendo Instagram y WhatsApp. E huicio ta forma e prome prueba grandi pa FTC bou di e di dos administracion di Trump. E instancia a cuminsa e investigacion cu a conduci na e huicio durante e prome periodo di Trump.
E hefe oficial huridico di Meta, a yama e caso debil y un distraicion pa inversion den tecnologia den un post di blog diadomingo.
“Ta absurdo cu FTC ta purbando di kibra un gran compania mericano na mes momento cu e Administracion ta purbando di salba TikTok propiedad di Chines,” el a skirbi.
E caso ta forma un menasa existencial pa Meta, cu segun algun calculacion ta gana mas o menos mitar di su entrada di propaganda mericano for di Instagram, mientras cu e ta duna e publico su prome midi real di con fuerte e administracion nobo di Trump lo sigui cu su promesanan pa tuma riba tecnologia grandi.
