Wit Gele Kruis a cuminsa cu e proyecto di Praktijk Ondersteuning na 2012. Sr. Gino Goeloe director di Wit Gele Kruis ta splica.
E proyecto a bin na momento cu a ripara cu e dokternan di cas no tin tempo pa guia e pashentnan cu malesanan cronico. E ora WGK hunto cu HAVA y AZV y hospital a bin cu’n plan unda cu nan a bin cu Praktijk Ondersteuners actual. A cuminsa cu 6 na 2012 te cu 2014. Despues di evalua e plan, a resulta cu el a duna su fruta, unda cu e pashentnan tabata wordo bon guia y tambe pashentnan tabata contento cu e Praktijkondersteuners, unda nan tabata haya bon guia. Na 2014, WGK y AZV a sinta hunto cu HAVA y hospital, cu lo bin cu’n plan integral pa resolve e problema aki. Lo bin cu’n opleiding pa e 6 POH-nan y a busca mas. Actualmente tin 13 POH cu a sigui e opleiding di Bevenrode Hogeschool unda nan a wordo certifica. Y e enfermeranan aki a sigui un opleiding riba HBO niveau.
Actualmente ta wak cu mester di mas POH y tin 8 POH den opleiding cu lo caba na Maart. E ora lo tin 20 POH cu 1 coordinador. Pero a ripara cu un POH pa dos huisarts ya caba ta duna problema. E dokternan di cas ta exigi mas di e POH. Pero e AZV ta cu ta 1 POH pa dos dokter di cas. E deseo di WGK ta pa expande e Praktijkondersteunersnan aki, unda cu cada huisarts ta haya un praktijkondersteuner, unda cu e por guia e pashentnan hunto cu e dokter. Actualmente nan tin 4 hora pa cada huisarts. E cifranan di diabetisch ta hopi halto.
Lo reuni cu e Minister di Salubridad Publico actual hunto cu su coordinador pa palabra con ta bay expande e POH-nan aki, segun Sr. Gino Goeloe di Wit Gele Kruis.