Meta di “recycle center” ta pa conscientiza comunidad riba su responsabilidad pa cu maneho di sushi

Minister Otmar Oduber ta mustra cu e meta principal cu kier logra cu e Centro di Recycle ta pa tur hende realiza cu nos tin un respomnsabilidad global, apesar cu Gobierno a scohe den e direccion di “Waste to Energy” atrabez di e un “incinerator”. Pero e intencion tra di e recycle center aki ta pa mas cu tur conscientiza e generacion nobo, nos muchanan, hobennan cu tin formanan cu no mester produci tanto sushi asina’ki. “Esaki ta un problema na nivel global, mundial. Nos ta forma parti di tratadonan internacional como pais Aruba cu apesar cu bo ta bai den un direccion, e parti di conscientiza cu bo por re-usa. Bo por atrobe recicla y di otro banda hasta purba di usa menos material cu ta jega un dia na bira desperdicio”, asina Minister Oduber a sigui bisa. Esaki ta keda un tarea hopi importante di parti Gobierno y e mandatario a bisa di ta contento cu Serlimar a tuma esaki over. Tambe e mandatario ta bisa cu e presentacion cu a caba di haya ta mustra cu ta bai den e direccion aki pa logra e meta aki. Y unabez cu comunidad sera conoci cu e proyecto y e intencion cu tin cu gruponan, fundacionnan cu hobennan y tur esakinan hunto ta logra e meta cu Gobierno ta pone su dilanti pa logra e Recycle Center aki. Y e meta principal cu ta e conscientizacion cu tin su tras.

Comments

comments