Meta di portal remediaruba.org ta pa educa e pueblo tocante cannabis

0

Sra. Vicky Perez ta un di e motornan tras di e First Aruba International Medical Cannabis Conference, cual lo tuma luga dia 1 di december proximo. Sra. Perez ta splica cu a lanta remediaruba.org cu e solo meta pa educa e pueblo ariba e tema di cannabis. E ta amplia mas ariba e tema aki.

Ariba http://www.remediaruba.org por haya mas informacion, y pronto lo habri nan paginanan di rednan social. E entrada pa e conferencia aki ta 100 florin, cual lo cubri e gastonan pa cu e conferencia y e panelistanan internacional. Studiantenan cu ta desea di atende e conferencia aki, lo mester trece un comprobante cu nan ta bayendo scol, pa asina haya un descuento. Pa mas informacion pa cu esaki por yama 747- 9796 of 593- 2880. Tambe tin un eventpage ariba Facebook. Nan a haya hopi reaccion, di parti di dokternan y studiantenan. E meta di esaki ta e accesibilidad na informacion.

Bin cu’n evento ta hopi trabao y ta costa hopi placa. Pero nan no kier a pone algo asina caro, cu por stroba e persona di asisti. Ultimo conferencia tabata costa 100$ pa cual nan a baya nan prijs y ta cubri cierto di e gastonan aki. Pa cualkier persona, pashent cu tin e curiosidad, e anhelo pa sa mas di e terapia, cu ta sufri di diabetisch, cancer, artritis, y ta identifica nan mes pa cu esaki, ta esaki ta e personanan cu mester di e informacion.

E conferencia aki lo ta tuma luga dia 1 di december, na Renaissance Conference Center. E cuponan ta limita, pa motibo cu durante e discusion nan lo kier pa tin e oportunidad pa haci pregunta cu si ta hopi yen, esaki lo no ta posibel. Tur e panelistanan lo papia di nan experiencia. Ora cu e panelistanan aki caba di papia, tur hende ta liber pa haci pregunta.

Tambe Sra. Perez a haci uzo di e oportunidad pa invita e pashentnan of personanan cu kisas ta tumando algo cu tin di haber cu CBD oil. Pero nan ta sinti rechaso, of miedo of taboo, pa nan bin dilanti y comparti experiencia. Na Aruba tin pashentnan cu tabata sufri dic cancer y nan a tuma tratamento di cannabis medicinal. Pero nan no tin e durf di bin dilanti pa motibo di berguensa.

Pero aworaki ta bibando den un era, unda cu mester apoya otro. Aruba ta un isla chikito, pero e meta principal di e conferencia aki ta pa yuda e comunidad cu mester di e yudansa pa cu e informacion. Knowledge is power, dus, ban uz’e. Pashentnan di cancer, personanan cu ta sufri di diabetes, di alzheimer, epilepsia, ta bon pa esakinan bin e conferencia, sin miedo, sin taboo, niun hende ta husga, puntra pakico si of pakico no. Esaki ta e oportunidad cu nos ta treciendo pa e comunidad.

E organisadornan kier pa e comunidad ricibi e informacion corecto, pero di e personanan cu ta experto den e topico aki. Tin e oportunidad pa puntra. Tin hopi hende cu ta haci pregunta of nan no kier busca, haci investigacion pa haya sa e berdad. Ta bon pa bin sin miedo, sin cu ta wordo husga. Al contrario, tur persona ta bon bini.

Comments

comments