Abuso y maltrato ta existi den hende muhe y hende homber. E ta un reto mundial cu por wak e por pasa cu tur hende. Den e ultimo tempo, el a bira mas visibel pero e ta un situacion cu semper a existi.
Sra. Yvonne Spellen di Fundacion Hende Muhe Den Dificultad ta splica cu un reto cu semper ta keda grandi ta e caminda pa duna asistencia completo adecua na famia cu ta den problema pa haya yudansa psicologico. E ta bisa cu ta algo cu mester cambia den e sistema.
“Un maltrato no ta algo nobo. E ta algo cu a existi den tur sorto di forma. Awendia mester pone atencion cu e ta bin den hende muhe, hende homber y maltrato den muchanan. E reto mas grandi pa yuda un mucha”, e ta bisa.
Maltrato ta algo cu semper a existi y lo keda existi tambe, sinembargo locual nan ta purba haci ta con por elimina y conscientisa tur hende riba diferente tipo di maltrato cu tin ‘pa nos tur ta consciente di esey’. Y tambe pa cada ken haci nan tarea di un forma cu por yuda e victima.