Mester sigui traha duro pa asina evita pa cualkier abuso di mucha tuma luga

Sra. Grace Maduro, lider di proyecto di parti di salud ta papia di e ‘Signs of Safety’. E ta bisa cu ta importante pa hende sa di e consecuencia di abuso cu e ta afecta salud fisico y mental. “Ami den sector di salud ta e prome den e cadena di cuido di mucha di Jeugd Gezondheidszorg nos ta comparti e responsabilidad pa e mucha su bienestar hunto cu e docente”, e ta bisa.

Den e sector social di derecho universal di mucha tin tres punto basico pa e mucha ta saludabel. Esaki ta e derecho riba cuido proteccion, derecho riba enseñanza y derecho di participacion social. Ora un di e puntonan aki no ta funciona ta haya cadena di husticia ta cuminsa core.

“Unabes bo bay den cadena, e ta bira un circulo vicioso cu consecuencia mas grave pa sociedad. Esaki ta e Piedra basico pa e cuido di mucha.”, sra. Maduro ta splica. E ta bisa cu no mester descarta e efecto cu abuso verbal, fisico y sexual tin.

A puntra sra. Maduro cu si na Aruba tin suficiente profesional den area aki. E ta contesta cu locual el a encontra den su sector ta persona cu ta cla p’e, nan ta duna 100% di nan banda. Nan ta impresiona cu e tecnica cu a haya den cuadro di Unicef y nan mester sigui traha pa asina brinda e ayudo riba termino largo pa evita cu cualkier abuso di mucha tuma luga.

 

Comments

comments