Director di Telefon pa Hubentud, sr. James Sneek ta comparti cu tur cos cu nan departamento ta canando bon mirando cu mester a adapta na un manera nobo di duna servicio.
Nan no a stop di duna servicio pa muchanany hoben durante henter e temporada di e pandemia. E ta bisa cu nan ta cla pa wak kico e retonan ta y ta sigui cu nan servicio. Pa locual ta trata e tema digital semper tabata algo cu nan a sigui innova cu e app 131 y via di website 131.aw. pa sigui duna informacion riba diferente instrumento.
Mirando e situacion actual, e ta bisa cu mester a stop e lezing of workshops cu tabatin planea durante aña pero nan a keda riba nan telefon, website y tur otro manera pa asina e muchanan/ hobennan keda en contacto cu nan.
Telefon pa Hubentud ta atende cu un grupo grandi di hobennan pa keda brinda e informacion preventivo. E ta bisa cu den cooperacion cu scolnan lo keda ta active pa asina evita cu mucha tin problema y evita esaki stroba e desaroyo di un mucha.