E tema di ilegalidad ta keda un tema preocupante. Ronald Van Trigt di ATIA ta splica cu mester haci algo cu e grupo di hendenan cu ta drenta di afo y ta haci crimen riba nos pais.
No tin nada di hendenan cu ta bin di afo pa traha, pero ilegalidad ta un problema y ta touch tambe siguridad di nos pais. Ora cu tin hende cu bo no sa di unda nan ta bin y kico ta nan background, ta drenta nos pais y ta comete crimen. Estadistica di 59, sa cu nos hendenan tambe ta comete crimen. Pero casi mita di e crimennan cu ta wordo haci na Aruba, hopi di nan cu arma, ta hendenan cu ta bin di un pais cercano y mester pone bon atencion riba dje. Ta sumamente importante tambe pa comercio, si ta desea pa nos isla sigui crece, nos comercio sigui bay dilanti, locual ta importante ta cu tin un pais na unda cu comercio ta sinti’e suficiente sigur pa haci negoshi. Insiguridad ta causa bastante reto pa comercio. Un di nan sigur ta cu kier pa hendenan sinti nan mes liber pa cumpra, bay sali parkeer bo auto, bay anochi den restaurant of kico cu ta y no ta papia di restaurantnan cu necesariamente mester ta den area di hotel. Casi 23% pa 25% di e turistanan cu ta bin Aruba no ta keda mas den hotel of un timeshare. Nan ta keda sea Airbnb, keda den casnan priva. Mirando cu turismo ta e pilar number 1 di nos isla, ta sumamente importante pa nos sigura nos isla completo y esey ta nifica cu si ns kier pa e turistanan aki contribui na compra, pa negoshinan funciona, negoshinan mester por wordo estableci na cualkier luga di Aruba. Tin cierto luganan na Aruba cu ta hopi dificil pa establece negoshi, pasob ra e luganan ey ta insigur, segun van Trigt.