Pa e piscado Alex Farro e miho cos cu por haci ta laga e ley caminda e tabata ta paso cu e cambio aki bo ta mishi cu e pan di e piscadonan. E ta amplia mas ariba esaki.
Sr. Alex Farro ta den directiva di Hadicurari y e ta un di e principalnan para na banda di e piscado ya cu e ta den e trabao. El a sinti cu nan a wordo uza, despues di a sinta cu esunnan concerni. Locual bo ta sinti, bo no por expresa. Ta tur tabata hende grandi y pa nan tuma bo di haci den bo cara. Esey ta Sr. Farro su punto principal.
Den futuro tur esunnan cu tin 22 aña drumi, e por bin dilanti dia 10 di October y bisanan ken a mand’e sak’e y pa ki motibo el a sak’e. E ley aki no ta na fabor di niun hende. Den futuro e ta kere cu tur hende tene cuenta cu prome cu nan pasa un ley, pa nan sinta cu e piscadonan. Di otro banda, ta e piscadonan y e cunukeronan ta esunnan cu ta produci algo pa Aruba. Anto cu net cu esakinan e gobierno ta mete. Ta kita tereno for di nan, pa duna compinchinan.
Sr. Farro ta haci un apelacion pa caba cu e situacion aki, wak pa nos mesun hendenan prome cu fabornan. Kisas esaki ta un manera pa yuda e barconan di afo cu ta trece pisca di afo pa bende, y laga nos mesun hendenan local cu ni pisca nan lo no por bende mas. Segun Sr. Farro, si niun hende ta stop e cos aki, ta nan como piscado lo mester para na waf pa stop cu e situacion aki.
Cu nan ta registra na Santa Rosa como piscado ta suficiente, nan no tin mester di bay registra niun caminda mas, menos na Camara di Comercio. Ta haci apelacion na tur piscado pa e reunion di dia 10 di October. Si no tin solucion eynan, lo mester bay na e Departamento di Natuur, cu nan ta duda cu dia 10 di October cu e directora ki lo por yega na e reunion aki. esaki ta conta tanto pa e director di Natuur en Milieu como tur e otronan cu nan a sinta cu nan, segun Sr. Farro a bisa.