Hopi hende ta puntra ki dia Universidad di Aruba lo cuminsa duna curso online pa Aruba mes, pa cual Sr. Glenn Thode di Universidad ta splica dicon ainda nos no a yega eynan.
Si mira bon, berdad estudionan di Universidad di Aruba ta diseña cu rekeri pa ta presente hopi den klas. Hopi di e informacion cu ta necesario pa siña ta wordo presenta, of tin un otro forma di bisa, dus di practica, den presencia. Esey kiermen cu e studiante mester ta presente den e Collegezaal. Aworakinan tin caba den algun proyectonan cu Universidad ta bezig ta diseña cu ta yuda pa docentenan profesionalisa den diseña y duna lesnan “blendend”. No ta bay completamente online, pero “blended learning” ta e formula cu Universidad kier bay persigui. Blended learning ta parcialmente online y e parti ey ta e parti unda cu e informacion bo por tum’e independiente y bo so, na bo mes. Esey kiermen e ta un forma di “zelf studie” sin un docente pa guiabo y e studiante por diseña e producto di conocemento di tal forma cu un persona hopi bon por cana e pasonan di adkiri e informacion ariba su mes. Tur esaki por wordo haci online, ariba distancia y Universidad ta purba di haci’e di tal forma, cu ora cu e studiante kier, e ta studia. E ta via cualkier “dispositivo”, dus un iPad, telefon, un computer of tablet. Pero bandi di esey, tin hopi competencia, y esey ta vooral competencia di actitud, e asina “skills set”. Mester tin un interaccion di un humano pa otro, mester traha algo den un team. Esey si no por bay bon via online, pero ta bon pa haci esaki di persona pa persona. E parti ey si pro wordo haci na Universidad. E ora ta haya un mix, y e ora e studiante no mester atrae e hendenan pa tanto ora na bo edificio y e ora tin mas espacio pa duna mas estudio den e mesun edificio, den e mesun tanto ora, segun Sr. Glenn Thode, rector di Universidad di Aruba.
Pa e diferente facultadnan cu ta existi hopi aña caba, e interaccion cu tin caba ta satisfecho cu nan, pero ta mira pa amplia, caminda cu ta kere cu nan capacidad mester wordo reinforsa of caminda cu enberdad, e acuerdonan ta yega te na un cierto tempo. Ora cu yega na final, ta wak si ta sigui cu e mesun partner of ta busca partner adicional. Pa algun di estudionan nobo, ta buscando partnernan nobo. Esey ta specialmente estudionan ariba tereno di ciencia natural, ecologia, biologia, fisica, kimica, tecnologia, energia etc. Universidad ta cuminsa cu esaki nan den un liña di sostenibilidad. Nan lo cuminsa cu colaboracion cu KU Leuven y tambe ta buscando colaboracion cu Oregon State University, cu ta un Universidad hopi grandi y hopi bon ariba e tereno aki na Merca. E ta e unico universidad cu tin grants ariba tereno di aire, awa y tera. Otro universidadnan no ta asina amplio den nan acercamento di e temanan aki. Segun Sr. Thode, nan lo ta un bon partner pa Universidad di Aruba. Nan a cumisna caba cu e dialogo cu nan, pa wak con lo colabora cu nan y cu KU Leuven cu e estudionan nobo cu Universidad ta bin cun’e.
Tambe Universidad awo ta den Erasmus cu ta e programa, cu ta sostene exchange students y ta sostene cu comparti e exchange staff. Esey a pone cu hopi Universidad a cumisna acerca UNA pa nan manda nan studiante y staff pa Aruba y vice versa. E lista ta yenando y e capacidad pa acepta studiante ya casi ta yegando su limitenan. Lo mester studia mas profundo cu ken mas nan lo kier cera acuerdonan asina aki y ken lo bisa sorry, pero nan capacidad ta limita, pues nan lo warda te ora cu un acuerdo cu otro caba, prome cu denta den acuerdo cu otro universidad, segun Sr. Glenn Thode di Universidad di Aruba.