Doño di e Ganb Global, Sr. Gustavo Nahmens den e presentacion cu nan a duna, a splica over di e sistema nobo di alarma di candela cu tin cu ta ser traha pa e compania Siemens.
Ganb Global ta un compania specialisa den sistema di proteccion di candela y tambe siguridad en general. E motibo di nan presentacion den Renaissance relaciona cu e Siman di Bombero, a considera cu ta prudente pa participa den e prome convencion di sistema di proteccion di candela na Aruba. Ta danki na e colaboracion di tanto comandante di Bombero, Sr. De Cuba y tambe comandante di bombero, Sr. Ponson, cu nan por a logra reuni un grupo di profesionalnan di varios departamento, tanto di departamentonan di gobierno y tambe priva, pa duna un demostracion di varios faceta, filosofia di proteccion contra di candela. Tambe varios manera di traha y pa ta certifica pa ta un inspector di candela califica dor di Cuerpo di Bombero.
A haci demostracion tambe di e sistemanan moderno pa cas, hotel y otro centronan unda cu hopi hende ta aglomera. Adicionalmente, a demostra algun di e ultimo tecnologianan riba tereno di prevencion di candela. Ya caba e compania tin algun contract y un di nan ta e hotel boutique na Aeropuerto.
Mas aleu Sr. Gustavo Nahmens a sigui bisa cu Aruba mester pasa e ley cu ta pone cu tur hende mester tin un sistema di alarma di candela den nan negoshi y cas. A keda demostra cu esaki por salba bida di hende. A pidi Cuerpo di Bombero como tambe DTI, cual tabata e ordenansanan cu tin, tanto di bombero como e maneho di gas, nan a haci e traduccion na Spaño. Ya caba nan a saca algun folder pa asina por informa mas tanto hende. Den caso di candela ta limita hopi na solamente area cu ta coresponde na e sector turistico y ta laga algun sector di vivienda y algun area comercial, como tambe warehouse un banda. Door di e diversidad cu tin na Aruba, e ley aki mester wordo amplia.
Lo reuni cu Cuerpo di Bombero y gobierno pa haci un demostracion ariba e tereno di codificacion internacional cu lo permiti pa tin un miho comprondemento di diferente partinann. Cu e personal y e director Sr. Werleman di DTI a papia ariba e posibilidad di cual ta e medidanan di siguridad y con esaki por wordo amplia, pa e cobertura pa e instalacion di gas.
Esaki tambe ta trece insiguridad y e ley actual tin hopi limitacion cu ta pone cu e personal di DTI no por haci nan trabao como debe ser.