E fiesta bunita cu tur aña nos ta conoce pa nos muchanan ta acercando atrobe, pero sigur e biaha aki na un manera diferente mirando e situacion di e pandemia.
Evelyn Frank-Maduro, vice presidente di Fundacion Sinterklaas, ta informa cu yegada di Sinterklaas e aña aki lo bira den e ‘normal nobo’ y lo haci esaki virtualmente via diferente medio di comunicacion.
“Nos a haci tur nos esfuerso, pero mirando reglanan existente, nos a dicidi di haci e yegada virtual. E ta yega dia 15 di november pa 11’or di mainta e yegada di Sinterklaas lo ta Live pa asina evita aglomeracion y tambe pa yuda cuida nos muchanan di e virus actual”, segun sra. Frank-Maduro. E fundacion nunca a opta pa cancela e evento e aña aki pero sigur e tabata un reto na con lo bay door cu ne, mirando e circumstancianan.
Na mes momento. Sra. Frank-Maduro a anuncia awe tambe cu e aña aki despues di 28 aña trahando boluntariamente den organisacion y ehecucion di evento di yegada di Sinterklaas na Aruba. Esaki ta di 8 aña cu yegada di Sinterklaas a wordo organisa bao di un fundacion, y tambe e aña despues di 4 aña elaborando riba e cambionan cu mester bin den e fiesta. “Pa es motibo ey, mi ta kere cu ami ta satisfecho y contento di loke mi a logra den tur e tempo. Y p’esey tambe mi ta kere cu awor mester bin un cambio tambe den e fundacion, mester bin sanger nobo, mester bin ideanan nobo”, segun sra. Frank – Maduro.