Departamento di Transporte Publico ta urgi pa bin cu e BOA opleiding pa por tuma accion y bin cu mas control. E mandatario di Husticia, mr. Andin Bikker cu e relato.
Segun e mandatario e tin di haber cu e capacidad pa duna e tipo di opleidingnan aki. Un di e tareanan primordial cu ta cay bek ariba e scol di Polis Egard J. (Watty) Vos y ministerio di Husticia ta studiando con pa reenforsa e capacidad pa duna mas les. Ta diferente cursonan ta pendiente, no solamente pa loke ta trata e klas di polis 2018- 2019. Manera anuncia algun siman pasa, Cuerpo Policial a bin cu otro opleiding, pero esey ta e focus principal di scol di Polis.
Apart di esey, ta duna cursonan na esunnan cu ta cuida preso na KIA. Los di esey tin diferente otro cursonan ta duna. E capacidad mester wordo amplia y den e esaki e opleiding di BOA tambe mester tuma luga. Esaki tin e atencion di e minister.
Durante tratamento di presupuesto, a bin cu’n stappenplan cu a wordo poni na disposicion di parlamento,con pa amplia e capacidad di educacion di Scol di Polis, pa e por acapara e demanda pa e BOA -opleiding, segun minister di Husticia, mr. Andin Bikker.