E uitvoerringsverordening no a bin parlamento ainda y ta den espera di dje. Mervin Wyatt-Ras, presidente di Parlamento, ta spera cu pronto lo trat’e, aunke cu por ta no lo hay’e pa e aña aki pero si den transcurso di otro aña lo mester bin Parlamento pa asina por aprob’e y e ora por bisa cu e ley grandi cu a haci tanto trabao pasa, cu hopi hende ta spera riba dje, cu e por wordo ehecuta.
E ley mes a pasa, segun presidente di Parlamento, esta e Burgelijk Wetboek. E uitvoerringsverordening tin cu bay wak kico por haci cun’e. Wyatt-Ras ta kere cu si vota pa vota, cual el a nota, tampoco no ta un forma di actua. Si tin un forma cu ta bisa cu ta voor sikiera mester tin amienda of un otro proposicion of un otro pensamento cu ta vota. E no ta zomaar cu ta bisa ta bay vota contra. Mester tin 11 pa pasa un ley, segun Wyatt-Ras y awor aki no tin un calculacion con otro hende lo vota.
E ta un ley caba si. No mas cu pa e bin na vigor, mester trata e uitvoerringsverordening. Si e no bay door, e ora no por ehecuta e ley, e ley ta keda para.