Mervin Wyatt-Ras ta trece padilanti di ta apoya un iniciativa di parti di Fundacion Guia Mi hunto cu SABA, Stichting voor Verstandelijk Gehandicapten, y Cede Aruba. Meta di esaki ta pa structura cuido di personanan cu limitacion mental y fysico. E proyecto lo realisa cuido di e grupo di edad di 0 pa 18 anja pa despues amplia e grupo aki te cu 35 aña y despues ta cu 55 aña. Lo haci uzo di e facilidad na Palisiaweg den e edificion di SABA, cual facilidad tin ya caba diferente ekipo y instrumento pa ser uza pa cuido di e grupo di personanan cu limitacion. Di e forma aki Aruba mes por tuma cuido di muchanan special den man enbes di manda nan pa Corsou. Esaki lo haci cu gobierno por baha gasto paso actualmente ta paga par di miyon pa e personanan cu ta permanence den un instituto intramural na Corsou. Wyatt-Ras ta contento cu minister di Salubridad ta apoya e proyecto y ta spera cu otro ministernan tambe pa asina haci posibel cu pronto por introduci e tipo di acogida aki na Aruba.