Pronto lo trata presupuesto 2017, cual a wordo entrega caba na Parlamento y preguntanan ta wordo prepara door di e Parlamentarionan pa asina nan wordo contesta door di e ministernan mas pronto posibel. Presidente di Parlamento, Mervin Wyatt-Ras, ta spera cu Gobierno por contesta e preguntanan riba e presupuesto, ora cu trata e ley aki na December.
El a splica cu esey ta e parti hopi importante di semper y e biaha aki e presupuesto a wordo entrega na tempo. Kiermen awo, Gobierno a cumpli na e banda ey. Awor Parlamento tin cu cumpli y despues Gobierno tin cu cumpli un biaha mas cu Parlamento pa asina contesta lihe, manera ya menciona caba y pa asina por pase. Tin tambe semper na final di aña, e deadline tambe pa e stukken por drenta, pasobra tin e diferente Hoge College’s tin un recess den e tempo ey y Parlamento tambe lo duna personal e dianan aki, teniendo cuenta cu nan. E ora ta prefera pa trata tur cos prome den December, pa asina finalisa tur e reunionnan.
Fecha
Mervin Wyatt-Ras a splica cu ta mandando carta pa Gobierno y lo divulga esaki despues. Nan ta bay pone Gobierno na altura di e fecha specifico.
