Pa presidente di Parlamemto, e reunion na Panama pa loke ta Parlatino, tabata hopi exitoso, si mira e temanan di importancia cu a papia ariba, segun Mervin Wyatt-Ras.
E ta sigui splica cu hopi tema a bin dilanti y por bisa cu tabata na un tipo di seminario di tambe cu ta trata desaroyo sostenibel. Tabata tin varios presentacion interesante di diferente orador. Si wak bon e caliber ora cu tin e seminarionan aki, ta hopi halto. Por bisa cu despues a bay tambe pa wak tur e trabaonan cu e diferente comisionnan ta haci durante aña y ta presenta tambe nan diferente resulocion y proposicionnan. Semper importante den e reunionnan aki, ta e derecho humano, unda cu ta boga semper pa igualdad, pa cooperacion y cu tur pais lo mester cumpli cu cierto rekisitonan pa asina por garantisa tambe e igualdad pa personanan den e pais.
Tambe como topico a wordo treci padilanti, ta e topico di adiccion/drogadiccion unda cu ta importante cu tin como pais tambe, cierto palabracionnan, tin ayudo pa e personanan na su luga. Tambe tin e prevencion, e informacion cu ta duna nos hendenan. A discuti tambe encuanto e uzo di cannabis tambe, manera diferente pais na Europa, pero tambe na Merca vooral. Algun pais Latino Americano tambe a cuminsa ta uza cannabis medicinal. Den esaki e tabata tin pro’s y contra’s. Por bisa cu e legalisacion cual a wordo treci padilanti, ta wordo enfoca hopi riba e parti legal di droga, cu mester castiga esun cu ta uza e droga, pero no ta wak e parti di salud. Eynan tabata tin e debate aki, cual ta uno den principio. E no ta un debate cu ta conclui ainda y diferente pais ta pensa diferente. Pesey mes, ora cu tabata tin votacion riba e resulocion pa implemente den pais, Aruba a bisa cu no a discuti ainda. E no ta un topico cu a papia di dje. Si el a wordo trata un biaha den e comision di salud di parlatino. Sinembargo e no ta algo cu Aruba a discuti’e ainda. A keda algo cu ta pendiente pa nos pais, segun Mervin Wyatt-Ras.