Den e prome simannan di aña ya caba di parlamento ta man yen cu hopi reunion interno pa leynan cu mester bay haya atencion pa cual aki Sra. Mervin Wyatt- Ras a splica mas di e atencion cu tin den parlamento awor aki.
E aña aki tin yen di leynan cu mester wordo trata pero miembronan di Parlamento ta bezig cu nan pa nan por wordo trata cu e personanan indica. Ora cu ta asina leu, nan lo wordo trata den reunion publico.
Tin ainda e ley di crèche cu ainda mester wordo trata. Sra. Wyatt Ras mes a bay cu diferente colega bishita diferente crèche y esaki ta bunita pa tende kico nan trabao ta y kico ta nan preocupacionnan. Ora di pasa ley, e ley ta streng. Pero mester tene cuenta cu e persona cu tin e smaak pa trata cu muchanan, pero toch e tin cierto reglanan cu mester tene cuenta cun’e. Den e ley lo mester pone cu lo mester tene cuenta cu cierto fasenan di transicion, cu un hende ta asina leu cu e por cumpli cu e ley. Esey siguramente lo bin ora Parlamento trata e ley.
Den e comisionnan tin diferente topiconan, p.e. Comision di Turismo, Comision di Salubiridad, cu ta bezig ta pone reunionnan pa asina diferente actornan den comunidad por wordo skucha. Y tambe lidernan di fraccion tin reunion di asuntonan Domestico, unda a trata asuntonan interno di Parlamento. Aworaki ta trahando ariba areglonan tocante di biahenan di trabao. Ora cu esaki yega Comision Central lo por papia mas habri ariba esaki.